Doston, agar aap Uttar Pradesh Rajya mein rahate hain, to aapke liye Uttar Pradesh Sarkar ki taraf se ek shaandaar khabar nikal kar aai hai. Yah khabar Uttar Pradesh Sarkar ke Vidyut Vibhaag ki taraf se jaari ki gayi hai. Is khabar ke anusar, Uttar Pradesh ke bahut saare logon ka bijli ka bill maaf hone vaala hai, yaani ki ab aapko bijli ka bill bharane ki koi jaroorat nahi hai. Uttar Pradesh Sarkar ka yah faisla kya hai, iske baare mein vistaar se jaanane ke lie hamare is article ko poora padhen, taaki aapko iske baare mein poori jaankari mil sake.
Yojana ka laabh lene ke lie mahatvapurn baaten:
Doston, agar hum iske baare mein baat karen ki kin logon ko is yojana ka phaayada milega ya kin logon ka bijli ka bill maaf hoga, to agar aap apne bakaaya bijli ka bill 1 April se pahle pahle jama kar dete hain, to aap Uttar Pradesh Sarkar ki is yojana ka laabh le sakenge. Aap apne najdeeki Vidyut Vitaran Khand ke kaaryalay par jaakar apna bijli ka bakaaya bill 31 March tak bhar sakte hain.
Agar aap apne bijli ka bill tay taariikh tak nahin bharate hain, to aap is yojana ka phaayada nahin utha sakte. Sarkar ki is yojana ka laabh keval wahi log utha sakte hain, jinka bijli bill tay taariikh tak jamaa ho jaega. 1 March ke baad aapko apna bijli ka bill dene ki koi avashyakta nahin hogi, kyonki aapka bijli ka bill Sarkar ke dwara maaf kar diya jaega.
In logon ko milega is yojana ka laabh:
Is yojana ka laabh kon log le sakte hain, agar hum iske baare mein baat karen to Uttar Pradesh Sarkar dwara gramini kshetra mein rahne vaale un kisaanon ka bijli ka bill maaf kiya jaega, jinake paas Vidyut Tube Well ka bijli connection hai aur jo ki apne Tube Well ka bijli bill bharane mein asamarth hain.
Aise mein agar vah kisaan 31 March tak apna bijli ka bill apne najdeeki bijli vibhaag ke kaaryalay mein jamaa kar dete hain, to 1 April se unko bijli ka bill dene ki koi bhi avashyakta nahin hogi, yaani ki unka 1 April ke baad ka bijli ka bill maaf ho jaega.